Den 9. Mee 2024 fënnt déi drëtt Editioun vun der Randonnée “D’Echappée” statt. Dës Randonnée um Vëlo steet ganz am Zeeche vum gudden Zweck. Op deene verschiddene Circuiten vun 28, 55, 87 an 118 Kilometer esou wéi enger 58 km Graveltour ass fir all Vëlos-Begeeschterten eppes mat dobäi. De Wee vun 118 km féiert dann och bis rop an d’Éislek an och duerch Veinen. De ganzen Erléis vun deem ganzen Dag gëtt fir de gudden Zweck enger ONG gespent. Dëst Joer hunn sech d’Organisateure mat der lëtzebuergescher ONG “Passerell” zesummegedoen déi sech fir Leit asetzt, déi Asyl an eisem Land ufroe wëllen.

All weider Informatiounen zu den Organisateuren, wou een sech kann umellen an och zu der ONG “Passerell”, kann een sech um Site vun “D’Echappée” ukucken.